የኢትዮጵያውያን  ፡  ሀገራዊ  ፡  ሥልጡንሕዝባዊ  ፡  አንድነት  ።
Ethiopians' Citizen Democratic Union | Union Citoyenne Démocratique des Éthiopiens

የመርበቢያ ፡ አድራሻ ፤ www.slttunhzb.net
የእ-ጦማር ፡ አድራሻ ፤ sh1@ttomar.net
________________________________

የኢ.ሀ.ሥ.አ. ፡ የ2018 ፡ ዓ.ም. ፡ መልካም ፡ ምኞት ፡ መልእክት ፡ ለኢትዮጵያ ፡ ሕዝብ ፦

« ሊነጋ ፡ ሲል ፡ ይጨልማል ! »

              _______

ለንደን ፥ መስከረም ፡ 2018 ፡ ዓ.ም. ።

የኢትዮጵያ ፡ ሕዝብ ፡ ሆይ !

እንኳን ፡ ለ2018 ፡ ዓ.ም. ፡ በደኅና ፡ አደረሰኽ ፡ እያለ ፥ መጪው ፡ ዓመት ፡ የመሥዋዕትኽን ፡ ፍሬ ፡ የምታይበት ፡ ዓመት ፡ እንዲኾንልኽ ፡ ውጥን ፡ አካልኽ ፡ የኢትዮጵያውያን ፡ ሀገራዊ ፡ ሥልጡንሕዝባዊ ፡ አንድነት ፡ ( ኢ.ሀ.ሥ.አ. ) ፡ ከልብ፟ ፡ ይመኛል ። 
የኢትዮጵያ ፡ ሕዝብ ፡ ሆይ ! 
ነገር ፡ ዅሉ ፡ እልኩ፟ ፡ ደርሷል ፤ የተፈጥሮ ፡ ሕግ ፡ ነውና ፥ ከልኩም ፡ አያልፍ ።
ግፈኞች ፡ እጆቹን ፡ እና ፡ እግሮቹን ፡ በኢትዮጵያ ፡ ምድር ፡ የምታያቸው ፡ ጥንተ ፡ ጠላትኽ ፡ ኢምፔሪያሊዝም ፥ ዛሬ ፥ ተራውን ፥ የፈተና ፡ ዘመንን ፡ ሊቀምስ ፡ ተቃርቦ ፡ ይታየናል ። ከንግዲህ ፡ ዘመኑ ፡ የፈጣን ፡ መሠረታዊ ፡ ለውጥ ፡ ነው ። የመገላገያውን ፡ ምዕራፍ ፡ ጨክኖ ፡ በአንድነት ፡ ታግሎ ፡ ከመሻገር ፡ ሌላ ፡ ማማረጫ ፡ የለምና ፥ የኢ.ፌ.ዴ.ሪ. ፡ የውንብድና ፡ አገዛዝን ፡ በማስወገድ ፥ ሀገራዊ ፡ እግዚእናኽ ፡ ወደሚከበርበት ፡ የመሸጋገሪያ ፡ መንግሥት ፡ ትግልኽን ፡ አጠናክረኽ ፡ ቀጥል ። 
ኢ.ሀ.ሥ.አ. ፡ ያቀረበልኽ ፦ 

"ሥልጡንሕዝባዊ ፡ የመሸጋገሪያ ፡ መንግሥት ፡ ሀገራዊ ፡ ቅያስ ።"
              ( www.slttunhzb.net )

እያደር ፡ የብዙኃኑን ፡ ድጋፍ ፡ እያገኘ ፡ ስለ ፡ ኼደ ፥ በ2018 ፡ ዓ.ም. ፡ የመዠመሪያ ፡ ፍሬዎቹን ፡ ታያለኽ ፡ ሲል ፡ ኢ.ሀ.ሥ.አ. ፡ ሙሉ ፡ እምነቱን ፡ በድጋሚ ፡ ይገልጽልኻል ፨ 

ትሑት ፡ አገልጋይኽ ፦

ኢ.ሀ.ሥ.አ.