የኢትዮጵያውያን  ፡  ሀገራዊ  ፡  ሥልጡንሕዝባዊ  ፡  አንድነት  ።
Ethiopians' Citizen Democratic Union | Union Citoyenne Démocratique des Éthiopiens

የመርበቢያ ፡ አድራሻ ፤ www.slttunhzb.net
የእ-ጦማር ፡ አድራሻ ፤ sh1@ttomar.net
________________________________

የኢ.ሀ.ሥ.አ. ፡ የትንሣኤ ፡ እና ፡ የድል ፡ በዓል ፡ መልካም ፡ ምኞት ፡ መልእክት ፡ ለኢትዮጵያ ፡ ሕዝብ ፦
« ዳግማዊ ፡ ዐድዋ ! »
_______
ለንደን  ፥  ሚያዝያ ፡ 5 ፡ ቀን ፡ 2018 ፡ ዓ.ም.  ። 


የኢትዮጵያ ፡ ሕዝብ ፡ ሆይ !
ቀዳማዊው ፡ የዐድዋ ፡ ድል ፥  የካቲት ፡ 23 ፡ ቀን ፡ 1888 ፡ ዓ.ም. ፥  ከኢትዮጵያ ፡ እና ፡ ከአፍሪቃ ፡ ዐልፎ ፥ በመላ፟ ፡ ዓለም ፡ የሰው ፡ ልጆች ፡ እኩልነት ፡ እንዲውን ፡ እና ፡ የቅኝ-ግዛት ፡ ሥርዐት ፡ ከሥር ፡ ከመሠረቱ ፡ ተናግቶ ፥  ከስድሳ ፡ ዓመታት ፡ በዃላም ፡ ፈራርሶ ፡ እንዲቀበር ፡ ያደረገ ፥  በሥልጣን ፡ ተገቢነት ፡ እና ፡ በሥልጣኔ ፡ ላቂያ ፡ የተገኘ ፡ የኢትዮጵያ ፡ እና ፡ የሀገራዊ ፡ ሕዝቧ ፡ ዘለዓለማዊ ፡ ድል ፡ ነው ። 
ዛሬ ፥  የዐድዋን ፡ ድል ፡ በዓል ፡ 130ኛ ፡ ዓመት ፡ መታሰቢያ ፡ ስናከብር ፥  ኢትዮጵያ ፡ ዳግመኛ ፡ በምልክዮሽ ፡ መዳፍ ፡ ውስጥ ፡ ወድቃ ፥  እግዚእናዋን ፡ ዐጥታ ፥  በሥልጣን ፡ ጦርነት ፡ ውስጥ ፡ ተዘፍቃ ፥  በሞት ፡ ሽረት ፡ ትግል ፡ ውስጥ ፡ ትገኛለች ። 
የኢትዮጵያ ፡ ሀገራዊ ፡ ሕዝብ ፡ ዐምሐራ ፥  በፋኖ፟ነት ፡ ተደራጅቶ ፥  ከፍ ፡ ያለውን ፡ የሕይወት ፡ ዋጋ ፡ ሳይሣሣ ፡ እየከፈለ ፥  ሥልጡን ፡ ሀገሩን ፡ ኢትዮጵያን ፡ ሊታደጋት ፡ ተሰልፏል ።  እፊቱ ፡ የገጠመው ፡ በእጅ-አዙር ፡ የሚዋጋ ፡ የሰንደቃዊ ፡ ምልክዮሽ ፡ (የ"ግሎባል ፡ ኢምፔሪያሊዝም") ፡ ኀይል ፡ ነው ።  የኢትዮጵያ ፡ ሕዝብ ፥  ከጥንት ፡ ዠምሮ ፡ በሕጋዊ ፡ ሥልጣን ፡ የመመራት ፡ ሥርዐቱን ፡ እስካጣ ፡ ድረስ ፥  ለድል ፡ እንደማይበቃ ፡ ምልክዮሽ ፡ ስላረጋገጠ ፥  የኢትየጵያን ፡ ሕዝብ ፡ ከሕጋዊ ፡ አመራር ፡ ማራቅን ፡ ዋነኛው ፡ የጥቃት ፡ ስልቱ ፡ አድርጎታል ። 
ደግመው ፡ ደጋግመው ፡ የሚ፟ነ፟ሡ፟ት ፡ የትግል ፡ ቡድኖች ፡ ዅሉ ፥  ወይ ፡ በባዕድ ፡ "አይዲዮሎጂ" ፡ የሰከሩ ፡ ፍሬ-ቢሶች፣ ወይ ፡ በ"ክልል" ፡ የጠበቡ ፡ ስኡኖች ፡ እየኾኑ ፥  የዐድዋ ፡ ፍሬዎች ፡ ዅሉ ፡ አንድ ፡ ባንድ ፡ እየተበሉ ፥  ምልክዮሽ ፡ እና ፡ ግብር-ዐበሮቹ ፡ ምንም ፡ ሳይሠጉ ፥  እንሆ ፥  ለ50 ፡ ዓመታት ፡ ሀገር ፡ ኢትዮጵያን ፡ የማፈራረስ ፡ ርኩስ ፡ ግብራቸውን ፡ ቀጥለዋል ። 
ኢ.ሀ.ሥ.አ. ፥  ይህን ፡ የጥፋት ፡ አካኼድ ፡ ጠቍሞ ፡ በማመልከት ፥  የኢትዮጵያ ፡ ሕዝብ ፡ ሕጋዊ ፡ አንድነታዊ ፡ ሥልጣኑን ፡ በፍጥነት ፡ እንዲያበጅ ፡ እና ፡ እንዲድን ፡ ኀምሳ ፡ ዓመታት ፡ ሙሉ ፡ መልእክቱን ፡ ለኢትዮጵያ ፡ ሕዝብ ፡ ሲያስተላልፍ ፡ ቈይቷል ።  በተፈለገው ፡ ፍጥነት ፡ አልተሰማም ፤  ማወራኛውም ፡ ቢኾን ፥  መልእክቱን ፡ ለመላ፟ ፡ ኢትዮጵያ ፡ ሕዝብ ፡ ለማድረስ ፡ አልተባበረውም ። 
ለሀገር ፡ ህልውና ፡ እስከ ፡ ኾነ ፡ ድረስ ፥  ለ50 ፡ ዓመታት ፡ ይቅርና ፥  ለ5000 ፡ ዓመታትም ፡ ሳይሰለቹ ፡ በወተወቱ ።  ምልክዮሽ ፥  በጥፋት ፡ ዐቅዱ፦ "የኹለት ፡ ትውልድን ፡ ናላ ፡ በከፋፋይ ፡ ስብከት ፡ ከሰበ፟ክኹት ፡ ወዲያ ፥  የአንድነት ፡ ዐርበኝነት ፡ በኢትዮጵያ ፡ ምድር ፡ አይታሰብም !" ፡ ብሎ ፡ ነበር ። 
ዳሩ ፡ ግን ፥  የኢትዮጵያ ፡ ሕዝብ ፡ ሆይ ! ልጅኽ ፡ ፋኖ፟ ፡ የዐርበኝነቱን ፡ ፈር ፡ ተልሞልኻል ! ሥልጣኔኽን ፡ አንግበኽ ፥  ይህን ፡ የሰንደቃዊ ፡ ምልክዮሽን ፡ የጥፋት ፡ ዐቅድ ፡ ዳግመኛ ፡ ለማምከን ፡ ለዳግማዊ ፡ ዐድዋ ፡ ተነሣ ! ስት፟ነ፟ሣ፟ም ፥  እግዚአብሔር ፡ ይረዳኻል ፨
ትሑት ፡ አገልጋይኽ ፥ 
ኢ.ሀ.ሥ.አ. ።